"Մեդիա-Մոդելն" իր հետազոտավերլուծական գործունեության ընթացքում մշակել է Հայաստանի Հանրապետության տարածքում քանակական և որակական մեթոդներով հետազոտական աշխատանքների իրականացման յուրահատուկ մոդել, որը հնարավորություն է ընձեռում ապահովել տեղեկատվության հավաքագրման առավելագույն օպերատիվություն, միաժամանակ պահպանելով բոլոր անհրաժեշտ մեթոդական պահանջները:

Մեր գործընկերները հնարավորություն ունեն ստանալու իրենց գործունեության ուժեղ և թույլ կողմերի իրատեսական գնահատականը:

Այդ ծառայությունները մատուցվում են գոյություն ունեցող ավանդական մեթոդներով, որոնք արդյունավետ պրոյեկտվել ու հարմարեցվել են մեր իրականությանը` նվազագույնի հասցնելով մի շարք տեղային գործոնների (սոցիալ-տնտեսական, ժողովրդագրական, մշակութային, բարոյահոգեբանական) ազդեցությունը հետազոտությունների արդյունքների վրա: Այս կերպ հնարավոր է դարձել էապես բարձրացնել սոցիոլոգիական առաջնային ինֆորմացիայի արժանահավատությունը և հնարավոր սխալի մակարդակը պահել գիտականորեն հիմնավորված թույլատրելի սահմաններում:

Համագործակցելով “Մեդիա-Մոդելի” հետ կազմակերպությունները կարող են ստանալ հետազոտական միջոցառումների ամբողջական կամ մասնակի փաթեթ` ըստ պատվիրատուի պահանջի:

Հետազոտական միջոցառումների ամբողջական փաթեթն իր մեջ ներառում է`

1. Հետազոտության մեթոդաբանության, այդ թվում նպատակի և խնդիրների սահմանում, ելակետային ցուցանիշների սահմանում

2. Հետազոտության ընտրանքի (քանակական և որակական) մշակում, կառուցում,

3. Հետազոտության գործիքների (ստանդարտացված հարցաթերթի, կիսաստանդարտացված, փորձագիտական և խորին հարցաշարերի, ֆոկուս խմբային հարցազրույցների ուղեցույցների, կոնտենտ վերլուծության բլանկերի և այլն) մշակում և փորձարկում,

4. Տեղեկատվության հավաքագրում (դաշտային աշխատանք – հարցվողների և այլ հետազոտվող խմբերի թիրախավորում, ընտրանքի իրագործման վերահսկողություն),

5. Արդյունքների կոդավորում, մուտքագրում, մշակում (բաց հարցերի կոդավորում, կոդավորման բանալիների ստեղծում, որակական մեթոդներով իրականացված հարցազրույցների ձայնագրությունների վերծանում և այլն, տվյալների բազաների ստեղծում և մշակում MS Excel, MS Access, SPSS ծրագրերով),

6. Տեխնիկական հաշվետվությունների պատրաստում,

7. Հետազոտության արդյունքների վերլուծություն և առաջարկների ներկայացում:

Հետազոտական միջոցառումների մասնակի փաթեթն իր մեջ ներառում է վերոնշյալ հետազոտական միջոցառումներից որևէ մեկը կամ մի քանիսն` ըստ պատվիրատուի ցանկության:

Այսպիսով, համագործակցելով մեզ հետ, մեր գործընկերները`

• Կխուսափեն չհիմնավորված ծախսերից,

• Ճիշտ կգնահատեն իրենց ռիսկերը,

• Կգտնեն իրենց գաղափարների/ապրանքների/ծառայությունների սպառման նոր շուկաներ,

• Կգտնեն իրենց գաղափարը/ապրանքը/ ծառայությունը հնարավոր սպառողին հասցնելու ամենակարճ ճանապարհը,

• Կկատարեն ճշգրիտ ռազմավարական պլանավորում: